एजेन्सी । युईएफए नेसन्स लिगमा चेक रिपब्लिकलाई २-० गोल अन्तरले हराउँदै समूह ए २ मा रहेको पोर्चुगलले दोस्रो जित निकालेको छ ।
बिहिबार राति लिस्बोनमा घरेलु टोली पोर्चुगलको जितमा जाआओ कन्सेलो र गोन्कालो गुइडेसले समान १/१ गोल गरे । दुबै गोल पहिलो हाफमा सम्भव भएको थियो ।
उक्त जितसँगै पोर्चुगल ३ खेलबाट ७ अंक बनाउँदै शीर्ष स्थानमा रहेको छ । पराजित चेक तीन खेलबाट ४ अंक सहित तेस्रो स्थानमा छ । यस्तै सोही समूहको खेलमा स्विट्जरल्यान्डलाई १-० ले पराजित गरेका स्पेन दोस्रो स्थानमा छ ।
