असार ३ काठमाडौं । नेपाली राष्ट्रिय महिला क्रिकेट टोलीले एसीसी महिला टि२० च्याम्पियनसिपमा विजयी सुरुआत गरेको छ ।
मलेसियामा शुक्रबार भएको खेलमा भुटानलाई ५० रनले हराउँदै नेपालले सुखद सुरुवात गरेको हो । यूएसडी यूकेएम ओभलमा नेपालले दिएको ९५ रनको लक्ष्य पछ्याएको भुटानले १७ ओभर ५ बलमा अलआउट हुँदै ४४ रन मात्र बनाउन सक्यो ।
भुटानका लागि छिरिङ जान्ग्मोले सर्वाधिक १६ रन जोडिन । यस्तै एनगावाङ छोडेनले ८ तथा सोनाम छोडेनले ५ रन जोडिन । पेमा सोल्डेनले ४ रन बनाईन ।
यता भुटानलाई सस्तैमा समेट्न नेपालकी संगीता राईले ४ विकेट लिईन भने कविता कुँवरले २ तथा अश्मिना कर्माचार्य,सिता राना मगर र इन्दु वर्माले १/१ विकेट लिए ।
त्यसअघि टस जितेर पहिले ब्याटिङ गरेको नेपालले २० ओभरमा ९ विकेट गुमाएर ९४ रन बनायो । च्याम्पियनसिप अन्तर्गत नेपालले अब कुवेतसँग शनिबार खेल्नेछ । यस्तै नेपालले सोमबार बहराइन र अन्तिम खेलमा मंगलबार हङकङसँग खेल्नेछ।
