असार १० काठमाडौं । एसीसी महिला टि२० च्याम्पियनसिपको पहिलो सेमिफाइनलमा युएईले नेपाललाई जितका लागि ८२ रनको लक्ष्य दिएको छ ।
मलेसियाको किनरारा ओभलमा टस हारेर पहिले ब्याटिङ गरेको युएईले १९ ओभर ५ बलमा अलआउट हुँदै ८१ रन बनायो।
युएईका लागि वैष्णवी महेशले सर्वाधिक १६ रन बनाईन् । इशा रोहितले १५ रन जोड्दा कप्तान छाया मुघलले १४ रन जोडिन् ।
यस्तै खुसी शर्मा १२ रनमा आउट भईन् ।
यता नेपालका लागि अश्मिना कर्माचार्यले ५ विकेट लिईन् भने इन्दु वर्माले ३ र सीता रानाले २ विकेट हात पारिन् । आज नेपाल युएईलाई हराउँदै फाइनल पुग्न चाहन्छ ।
