साउन २६ काठमाडौं । नेपाल र बंगलादेशबीच हुने मैत्रीपूर्ण फुटबल खेलका लागि प्रदिप हुमागाई कार्यवाहक प्रशिक्षक नियुक्त भएका छन् ।
त्रिपुरेश्वरस्थित दशरथ रंगशालामा असोज ११ गते हुने खेलका लागि अखिल नेपाल फुटबल संघ (एन्फा)ले नेपाली राष्ट्रिय फुटबल टिमको कार्यवाहक प्रशिक्षकमा हुमागाईलाई नियुक्त गर्ने निर्णय गरेको हो ।
नेपाली टोलीका मुख्य प्रशिक्षक अब्दुल्लाह अलमुताइरी अनुपस्थित हुने भन्दै एन्फाको कार्यसमिति बैठकले हुमागाईलाई प्रशिक्षकको जिम्मेवारी दिएको छ । तर बंगलादेशविरुद्धको मैत्रीपूर्ण खेलका लागि मुख्य प्रशिक्षक अलमुताइरीले २६ खेलाडीलाई प्रशिक्षणमा बोलाउन पत्राचार गर्यो ।
