साउन २९ काठमाडौं । भारतीय महान फुटबलर श्याम थापालाई अखिल नेपाल फुटबल संघ एन्फाले भव्य स्वागत गरेको छ ।
एन्फाका वरिष्ठ उपाध्यक्ष वीरबहादुर खड्काले थापालाई स्वागत गर्दै नेपाली फुटबलमा थापाको योगदानका बारेमा चर्चा गरेका थिए । थापासँगको अन्तरक्रियामा एन्फाका मानार्थ अध्यक्ष नरेन्द्र श्रेष्ठ, उपाध्यक्ष विराटजंग शाही, दावा लामा र दीपक खतिवडालगायत कार्यकारी समितिका सदस्यहरू तथा एन्फाका अन्य पदाधिकारीको पनि उपस्थिति रहेको थियो ।
नेपालमा जन्मिएका उनी भारतीय फुटबलको सर्वश्रेष्ठ नाम हो । थापा ब्वाइज युनियन क्लबको निमन्त्रणामा नेपाल आएका हुन् । उनले ब्वाइज युनियन क्लबबाट फुटबल खेलेका थिए ।
