भदौ १२ काठमाडौं । नेपाली राष्ट्रिय फुटबल टोलीका महत्त्वपूर्ण सदस्य रोहित चन्दले भारतविरुद्धको दुई अन्तर्राष्ट्रिय मैत्रीपूर्ण खेल गुमाउने भएका छन् ।
इन्डोनेसियाको रहेका रोहित मैत्रीपूर्ण खेलका लागि नेपाल नआउने भएका हुन् । रोहित पर्सिजा जकार्ताबाट इन्डोनेसियाको शीर्ष डिभिजनको लिग खेलिरहेका छन् ।
राष्ट्रिय टिमको बन्द प्रशिक्षण छाडेर रोहित ९ दिन अघि इन्डोनेसिया प्रस्थान गरेका थिए । उनले शुक्रबारमात्र ८ दिनको क्वारेन्टाइनको समय पूरा गरेका छन् । इन्डोनेसियाको लिग शुक्रबारबाट सुरु भएको छ ।
नेपालले त्रिपुरेश्वरस्थित दशरथ रंगशालामा भारतसँग दुई मैत्रीपूर्ण खेल खेल्नेछ। मैत्रीपूर्ण खेल भदौ १७ र २० ९सेप्टेम्बर २ र ५० मा हुनेछ।
कोभिडको पछिल्लो अवस्थाले विदेशी लिग खेल्ने खेलाडीलाई धेरै समस्या रहेको कारण उनी सहभागी नहुने भएका हुन् । माल्दिभ्समा आयोजना हुने साफ च्याम्पियनसिपको तयारीका लागि नेपाल र भारतले मैत्रीपूर्ण खेल खेल्न लागेको हो।
साफ च्याम्पियनसिप अक्टोबर १ देखि १६ ९असोज १५ देखि ३०० गतेसम्म आयोजना हुनेछ।
