काठमाडौं, १३ भदौ ।अर्जेन्टिनी स्टार लियोनल मेस्सीले फ्रान्सेली क्लब पेरिस सेन्ट जर्मन ९पिएसजी०बाट आज डेब्यु गर्ने भएका छन् ।
आइतबार राती घरेलु मैदानमा हुने खेलमा मेस्सीले राइम्सविरुद्ध डेब्यु गर्ने भएका हुन् । खेल अघि पीएसजीले सार्वजनिक गरेको अन्तिम २२ खेलाडीको नाममा मेस्सी समेटिएका हुन् । खेल नेपाली समयअनुसार आइतबार मध्यराति साढे १२ बजे सुरु हुनेछ ।
मेस्सीसँगै नेयमार र केलियन एम्बाप्पेसमेत लिष्टमा छन् । तिनै खेलाडीले पीएसजीको अट्याकिङ लाइन समाल्ने अनुमान गरिएको छ । अर्का स्ट्राइकर इकार्डीले चोट बोकेपछि मेस्सी राइम्सविरुद्ध देखिने भएका हुन् ।
तर, अर्जेन्टिनालाई कोपा अमेरिकाको उपाधि जिताएपछि मैदान नउत्रिएका मेस्सी सुरुवाती ११ मै खेल्नेमा भने शंका रहेको छ । पूर्णरुपमा फिट नभएकाले मेस्सी दोस्रो हाफमा डेब्यु गर्न सक्छन् ।
उनी सुरुवाती ११ मै खेलेर पनि मैदान छाड्न सक्छन् । मेस्सीले अन्तिमपटक कोपा उपाधि जित्दा ११ जुलाईमा खेलेका थिए । ‘उनी धेरै खेल्न पे्ररित छन्’, पीएसजी बोस माउरिको पोचेटिनोले भने ।
यसअघि तीन खेल खेलिसकेको पीएसजी तालिकाको दोस्रो स्थानमा छ । एक खेल कम खेलको पीएसजीसँग ३ खेलबाट ९ अंक रहेको छ । न्युज कारखाना
