एजेन्सी । स्पेनिस ला लिगा फुटबलमा उपाधिको दाबेदार टोली बार्सिलोनाले नयाँ सिजन २०२१र२१ अन्तर्गत आफ्नो तेस्रो खेलमा गेटाफेको सामना गर्दैछ ।
नेपाली समयअनुसार यी दुई टोलीबीचको खेल आज राति ८:४५ बजेबाट सुरु हुनेछ । आफ्नै मैदान क्याप नोउमा हुने उक्त खेलमा बार्सिलोना दोस्रो जितको खोजीमा हुनेछ । यसअघि उसले एक खेलमा बराबरी र एक खेलमा जित निकालेको थियो । बार्सिलोना चार अंकका साथ आठौं स्थानमा छ ।
गेटाफेसँगको खेलका लागि केही खेलाडी टोलीमा फर्किएका छन् । त्यस्तै टोली भरपर्दो डिफेन्स जेरार्ड पिके चोटका कारण मैदानबाहिर रहँदा इरिक गार्सिया प्रतिबन्धका कारण गेटाफेविरुद्ध मैदान उत्रिने छैनन् । त्यसबाहेक पेड्री पनि टोलीमा छैन ।
त्यस्तै टोलिमा मार्क–आन्द्रे टर स्टेगन र ओस्कार मिङ्गुएजा चोटमुक्त हुँदै टोलीमा फर्किएका छन् । यता सामुअल उम्टिटी, फिलिप कौटिन्हो र मिरालेम पियानिक पनि गेटाफेसँग खेल्ने टोलीमा परेका छन् ।
