एजेन्सी । फिफा विश्वकप छनौटमा इंग्ल्याण्डले सहज जित निकालेको छ । आइतबार राति घरेलु मैदान वेम्बलीमा भएको खेलमा इंग्ल्याण्डले एन्डोरालाई ४-० गोल अन्तरले पराजित गरेको हो ।
घरेलु टोली इंग्ल्याण्डको जितमा जेसे लिंगार्डले २ गोल तथा ह्यारी केन र बुकायो साकाले १/१ गोल गरे । पहिलो हाफमा एक गोल गरेको इंग्ल्याण्डले दोस्रो हाफमा थप तीन गोल गरेको थियो ।
उक्त जितसँगै युरोेपेली छनोटको समूह आईबाट इंग्ल्याण्ड शीर्ष स्थानमा छ । ५ खेल खेलेको इंग्ल्याण्डको १५ अंक छ । एन्डोरा भने ५ खेलबाट ३ अंकसहित ५औं स्थानमा छ ।
त्यस्तै उक्त समूहको अर्को खेलमा अल्बानियाले हंगेरीलाई १-० गोल अन्तरले पराजित गरेको छ।
