काठमाडौं । सिन्धुलीको मरिण गाउँपालिकाकाद्धारा सहकारीहरुको अनुगमन गरि झोलामै सिमीत रहेका सहकारी खारेज गरिने भएको छ ।

मरिण गाउँपालिकाले सहकारीहरुको आज अनुगमन गरेको हो । आज अनुगमनका क्रममा सहकारीहरु नियम अनुसार नचलेको पाइएको, आर्थिक पारदर्शिता नभएको पाइएको मरिण गाउँपालिकाका अध्यक्ष बिमर्श मोक्तानले जनाएका छन् ।यस्तै गाउँपालिकमा २९ वटा सहकारी रहेका छन् ।

जस्मा सन्चालन भएका सहकारी पनि सेवा मुलक नभएको पाइएकाले सहकारीहरुलाई समयसिमा तोकेरै नियम अनुसार सन्चालन हुनुपर्ने, आर्थिक पारदर्शिता हुनुपर्ने पालिकाको निर्देशन अनुसार सन्चालन नभएका सहकारी बन्द गरिने अध्यक्ष मोक्तानको भनाई छ । 

सहकारी सन्चालकलाई मरिण गाउँपालिकाले नै तालिम प्रदान गरेर गुणस्तरीय तथा सेवा मुलक सहकारी सन्चालन गरिने अध्यक्ष मोक्तानले बताउनुभयो । दर्ता गरेर झोलामा मात्रै सिमित रहेका सहकारीहरु अब भटाभट खारेज गरिने अध्यक्ष मोक्तानको भनाई छ ।