भदौ २९ काठमाडौं । आइसीसी विश्वकप क्रिकेट लिग-२ अन्तर्गत त्रिकोणात्मक एकदिवसीय क्रिकेट शृंखलामा आज नेपाल र ओमानबीच प्रतिस्पर्धा हुँदैछ । ओमानको मस्कटस्थित अल अमेरात क्रिकेट मैदानमा नेपाल र ओमानबीचको खेल अपराह्न सवा ४ बजे हुनेछ ।
लिग–२ श्रंखलामा नेपालले आफ्नो दोस्रो खेल खेल्न लागेको हो । सोमबारको आफ्नो पहिलो खेलमा नेपालले अमेरिकालाई ५ विकेटले पराजित गरेको थियो । उक्त खेलमा नेपालका युवा व्याट्सम्यान कुशल भुर्तेल र रोहित पौडेलले उत्कृष्ट ब्याटिङ गरेसँगै नेपालले अमेरिकालाई पराजित गरेको हो । त्यसअघि नेपालले पपुवा न्युगिनी (पीएनजी)विरुद्ध भएको दुई मैत्रीपूर्ण एकदिवसीय शृंखला आफ्नो पक्षमा २-० ले पारेको थियो ।
त्यस्तै आजको खेलमा नेपाल ओमानविरुद्ध सहज जितको खोजीमा छ ।
