भदौ ३१ एजेन्सी । युरोपको सर्वाधिक ठुलो क्लब फुटबल प्रतियोगिता (युइएफए) च्याम्पियन्स लिगमा स्पेनिस क्लब रियल मड्रिडले सुखद सुरुवात गरेको छ ।
बुधबार राति नयाँ सिजनको लिगमा पहिलो खेल खेलेको रियलले इटालियन क्लब इन्टर मिलानलाई १-० गोलले हराउँदै सुखद सुरुवात गरेको हो ।
इटालियन सिरी ए च्याम्पियन क्बल इन्टरको मैदानमा सान सिरोमा भएको समूह चरणको पहिलो खेलमा रियललाई जिताउन रोड्रिगोले निर्णायक गोल गरे । उनले निर्धातिर समयको खेल सकिन एक मिनेट बाँकी छँदा गोल गर्दै रियललाई जिताए ।
उक्त जितसँगै समूह ‘डी’को दोस्रो स्थानमा रहेको रियलले ३ अंक जोडेको छ । इन्टरले भने हारबाट प्रतियोगिताको थालनी गरेको छ ।
