काठमाडौँ । अग्नि ग्रुपको सहायक कम्पनी तथा क्लासिक लेजेन्ड्स आधिकारिक वितरक अग्नि मोटोइंकले जावा तथा येज्दी मोटरसाइकलहरुमा 'मनसुन राईड अफर' ल्याएको छ ।

यो योजना अन्तर्गत जावा तथा येज्दी मोटरसाइकल किन्दा ग्राहकले कम ब्याजदरमा सजिलो फाईनान्स अथवा एसेसरिजसहित राईडिंग गियर पाउने भएका छन् ।

यो योजना अनुसार ग्राहकले मोटरसाइकल खरिद गर्दा ५०% डाउन पेमेन्टमा २ वर्षको अवधिमा जम्मा ५.५ प्रतिशत ब्याजदर मात्र लाग्नेछ । यदि ग्राहकले नगदमा नै खरिद गर्ने हो भने एसेसरिज सहित सम्पूर्ण राईडिंग गियर पाउने छन् अथवा उक्त एसेसरिज र राईडिंग गियर बराबरको रकम नगद छुट पाउन सक्ने व्यवस्था गरिएको छ । ग्राहकले हरेक मोटरसाइकलको खरिदमा निःशुल्क हेलमेट र १ वर्षको रोड ट्याक्स पनि छुट पाउने छन् ।

कम्पनीको अनुसार हाल जावा ब्राण्ड अन्तर्गत फोर्टी-टु, जावा र पेराक मोडेल को मोटरसाइकलहरु उपलब्ध छ भने येज्दी ब्राण्ड अन्तर्गत रोडस्टर, स्क्राम्बलर र एड्वेंचर मोडेलहरु उपलब्ध छन् । जावा ब्राण्ड सन् २०२० मा लंच भएको हो भने येज्दी ब्राण्ड हालसालै नेपालमा लंच भएको हो । यी सबै मोटरसाइकलहरु ३०० देखि ३३४ सम्मका छन्  भने आफ्नो सेग्मेंट सबै भन्दा बढी पावर र टर्क प्रदान गर्दछ । 

यो मनसुन राईड अफर जावा येज्दीका सबै सोरुमहरुमा उपलब्ध हुने तथा सिमित अवधिका लागि मात्र लागु हुने कम्पनीले जनाएको छ ।