एजेन्सी । इंग्लिस प्रिमियर लिग फुटबलमा उपाधिको दाबेदार टोली लिभरपुलले सहज जित निकालेको छ । लिभरपुलले क्रिस्टललाई ३-० गोलले हराएको हो ।
शनिबार राति लिभरपुलको घरेलु मैदानमा एन्फिल्डमा भएका खेलमा घरेलु टोलीको जितमा साडियो माने, महोम्मद सालाह र नाबी केइटाले १/१ गोल गरे । लिभरपुलको लागि मानेले ४३औं मिनेटमा गोल गर्दै पहिलो हाफभरि १-० गोलको अग्रता बनाएको थियो ।
त्यस्तै दोस्रो हाफको खेलको ७८औं मिनेटमा सालाह र ८९औं मिनेटमा केइटाले गोल गरेपछि लिभरपुलले ३-० गोलको जित निकालेको हो ।
उक्त जितसँगै लिभरपुल शीर्ष स्थानमा उक्लिएको छ । उसले ५ खेलमा १३ अङ्क जोडेको छ । यता पराजित क्रिस्टल भने ५ अङ्कका साथ १३औं स्थानमा छ ।
