काठमाडौ । साताको पाँचौं दिन आज सुनचाँदीको मूल्य बढेको छ। 

नेपाल सुनचाँदी व्यवसायी महासंघका अनुसार आज सुनको मुल्य प्रतितोला ७०० रुपैयाँले बढेको छ भने चाँदी २० रुपैयाँले बढेको छ।

आज छापावाल सुन प्रतितोला एक लाख १५ हजार ७०० रुपैयाँ रहेको छ। बुधबार छापावाल सुनको मुल्य प्रतितोला एक लाख १५ हजार रुपैयाँ थियो।

यस्तै आज तेजाबी सुन प्रतितोला एक लाख १५ हजार १५० रुपैयाँमा कारोबार भइरहेको छ। 

त्यसैगरी आज चाँदीको मूल्य तोलामा २० रुपैयाँले बढेर एक हजार ४०५ रुपैयाँमा कारोबार भइरहेको महासंघले जनाएको छ।