एजेन्सी । स्पेनिस ला लिगा फुटबलमा बार्सिलोना लगातार दोस्रो बराबरी खेलेको छ । अघिल्लो खेलमा ग्रानडासँग बराबरी खेलेको बार्सिलोनाले बिहीबार राति काडिजसँग गोलरहित बराबरी खेल्दै अङ्क बाँडेको हो ।
काडिजको घरेलस मैदानमा भएको खेलमा दुवै टोलीले गोल गर्न सकेनन् । तुलनात्मक रूपमा बार्सिलोनाभन्दा घरेलु टोलीले राम्रो प्रदर्शन गरेको थियो । बार्सिलोनाले ६ सट्स प्रहार गर्दा काडिजले १३ सट्स प्रहार गरेको थियो ।
त्यस्थै यता खेलको ६५औं मिनेटमा पाहुना टोली बार्सिलोना १० खेलाडिमा सिमित बन्यो उसका फ्रेन्की डी योङले पहेँलो कार्डसहित रातो कार्ड पाएका थिए ।
बार्सिलोनाले जारी सिजन पाँच खेल खेलेकोमध्ये दुई खेलमा जित र तीन खेलमा बराबरी खेलेको छ । बार्सिलोना नौ अङ्कसहित सातौं स्थानमा छ भने कार्डिज ६ अङ्कसहित १४औं स्थानमा छ ।
