असोज ८ काठमाडौं । ललितपुर प्याट्रिओट्सले कप्तानीको भूमिका अब कुशल भुर्तेलले निभाउने भएका छन् ।
यस अघि नियमित कप्तान एवं राष्ट्रिय टोलीका समेत कप्तान रहेका ज्ञानेन्द्र मल्लले एभरेष्ट प्रिमियर लिग ईपीएल नखेल्ने घोषणा गरेसंगै ललितपुरले भुर्तेललाई कप्तानको जिम्मेवारी दिएको हो ।
ललितपुर प्याट्रिओट्सका कप्तान मल्लले बिहीबार अपरान्ह व्यक्तिगत कारणबाट ईपीएल खेल्न नसक्ने जानकारी गराएपछि क्लबले यो निर्णय लिएको हो ।
ईपीएल भोली शनिबार असोज ९ गते देखि २३ गतेसम्म कीर्तिपुर स्थित त्रिभूवन विश्वविद्यालयको क्रिकेट मैदानमा हुँदैछ ।
