असोज ९ काठमाडौं । आजबाट सुरु भएको चौंथो संस्करणको एभरेष्ट प्रिमियर लिग (इपिएल) टी-२० क्रिकेट प्रतियोगितामा काठमाडौं किङ्स-११ ले विजयी सुरुवात गरेको छ ।
टियु क्रिकेट मैदानमा शनिबार भएको खेलमा साविक विजेता ललितपुर प्याट्रीयट्सलाई ७ विकेटले पराजित गर्दै काठमाडौंले सुखद सुरुवात गरेको हो ।
ललितपुरले दिएको १ सय ५८ रनको लक्ष्य काठमाडौंले १४ ओभर २ बलमा ३ विकेट गुमाएर पूरा गर्यो । काठमाडौंको जितमा रायन ब्रुल र रहमानउल्लाह गुर्बाजले ५९ रन बनाए ।त्यस्तै रायनले अविजित रहदै ७३ रन जोडे । राजु रिजाल १९ रनमा अविजित रहे । अमित श्रेष्ठ ४ तथा सुवास खकुरेल सुन्य रनमा आउट भए ।
ललितपुरका पवन सर्राफ र कुशल भर्तेलले १/१ विकेट लिए । यस अघि टस हारेर पहिले ब्याटिङ गरेको ललितपुरले २० ओभरमा ८ विकेट गुमाएर १ सय ५७ रन बनाएको थियो ।
उक्त यस जितसँगै काठमाडौंले पहिलो खेलमा २ अंक जोडेको छ । यता ललितपुरले भने हारबाट प्रतियोगिताको सुरुवात गरेको छ ।
