स्कुल अफ इन्जिनियरिङ, काठमाडौं विश्वविद्यालय र क्राउन यन्स्टिच्यूट अफअहायर एजुकेशनबीच सूचना प्रविधिको स्नातक तह (बिआइट) मा दोहोरो डिग्री कार्यक्रम शुरू गर्ने सहमति भएको छ। सहमतिपत्रमा शुक्रबार हस्ताक्षर भएको बिआइटी प्रोग्राम कठमाडौं विश्वविद्यालयका कार्यक्रम संयोजक डा.बालृकष्ण बलले जानकारी दिए।

यो सहमतिपछि विद्यार्थीहरूले नेपालमा आफ्नो पढाइ जारी राख्न छनौट गरेमा वा अष्ट्रेलियाको भिसा प्राप्त गर्ने चुनौतीहरूको सामना गर्नुपर्दा, उनीहरूसँग काठमाण्डौ विश्वविद्यालयमा कम्प्युटर साइन्सको स्नातक वा आर्टिफिसियल इन्टेलिजेन्स कार्यक्रममा ब्याचलर अफ टेक्नोलोजीमा निर्बाध रूपान्तरण गर्न सहज हुनेछ।

यदि ५० वा सोभन्दा बढी विद्यार्थीहरूले यस्तो परिस्थिति सामना गरेमा, विभागले उनीहरूको शैक्षिक यात्रामा निरन्तरता र काठमाडौं विश्वविद्यालयबाटै बिआइटी स्नातकको रूपमा स्नातक हुने सम्भावना सुनिश्चित गर्दै बाँकी दुई वर्षको लागि पूर्ण बिआइटी कार्यक्रम प्रदान गर्नेछ।

यसले विद्यार्थीहरूका लागि, दुवै संस्थाबाट एकैसाथ डिग्रीहरू प्राप्त गर्न अनुमति दिन्छ। यसले विभिन्न छात्रवृत्ति अवसरहरूको ढोका पनि खोल्नेछ।
स्कुल अफ इन्जिनियरिङ्, काठमाडौं विश्वविद्यालय, र क्राउन इन्स्टिच्युट अफ हायर एजुकेशनबीचको सहकार्यले विश्वव्यापी शिक्षामा कोसेढुङ्गाको सावित हुने, अन्तरसांस्कृतिक शिक्षालाई बढावा दिने र नेपाल र अष्ट्रेलियाबीच ज्ञान र विशेषज्ञताको निर्बाध आदानप्रदानलाई सहज बनाउने विश्वास गरिएको छ।