एजेन्सी । इटालियन सिरी ए फुटबलमा साविक विजेता इन्टर मिलान र एटलान्टाले बराबरी खेलेका छन् । शनिबार राति इन्टरको मैदानमा दुवै टिमले २–२ गोलको बराबरी खेल्दै अङ्क बाँडेका हुन् ।
सान सिरोमा घरेलु टोली मिलानले सुरुवाती अग्रता बनाएको थियो । खेलको पाँचौं मिनेटमा लाउटारो मार्टिनेजले गोल गर्दै इन्टरलाई अग्रता दिलाए । ३०औं मिनेटमा रुस्लान मालिनोस्कीले गोल गरेपछि अटलान्टा बराबरीमा फर्कियो । ३८औं मिनेटमा राफेल टोलोयीले गोल गर्दै पहिलो हाफभरि एटलान्टालाई अग्रता दिलाए ।
७१औं मिनेटमा इडिन जेकोले गोल गर्दै इन्टरलाई बराबरीमा फर्काए । खेलको ८६औं मिनेटमा इन्टरले पेनाल्टीको मौका पाएको थियो । तर फेडेरिको डिमार्को पेनाल्टीमा चुक्दा इन्टर जित निकाल्नबाट बन्चित भएको हो ।
उक्त बराबरीसँगै तेस्रो स्थानको इन्टरले ६ खेलमा १४ अङ्क जोडेको छ । यता एटलान्टा भने ११ अङ्कका साथ पाँचौं स्थानमा छ ।
