काठमाडौं । साताको तेस्रो कारोबार दिन मंगलबार सेयर बजार एकल अंकले बढेको छ।

नेप्से परिसूचक ९.३४ अंकले बढेर २००१.६४ विन्दुमा कायम भएको छ।

सेन्सेटिभ इण्डेक्स ०.३१ प्रतिशतले बढेर ३५७.०९ विन्दुमा कायम भएको छ। अघिल्लो कारोबार दिन सोमबार नेप्से परिसूचक १३.२८ अंकले बढेको थियो।

यसदिन ३०८ कम्पनीको ५२ लाख ३९ हजार ४१६ कित्ता सेयर १ अर्ब ८६ करोड ९८ लाख १३ हजार ५२६.२१ रुपैयाँमा खरिदबिक्री भए।

नेप्से एकल अंकले बढ्दा कारोबार रकम सोमबारको तुलनामा घटेको छ। सोमबार  २ अर्ब १ करोड  ७७ बराबरको सेयर कारोबार भएको थियो।