काठमाडौं । साताको दोस्रो कारोबार दिन मंगलबार सेयर बजार सामान्य बढेको छ । 

आज बजार ६.६२ अंकले बढेर २६६४.१३ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ । 

बजार बढेर बन्द भए पनि मंगलबार कारोबार रकम भने घटेको छ । सोमबार ७ अर्ब १८ करोडको कारोबार भएको बजारमा आज ५ अर्ब ६५ करोडको कारोबार भएको छ । 

त्यसैगरी आज १४३ कम्पनिको सेयर मुल्य बढेको छ भने १२२ कम्पनीको सेयर मुल्य घटेको छ । बाकी १४ कम्पनिको सेयर मुल्यमा कुनै परिर्वतन आएको छैन ।