काठमाडौं । नेपाली कांग्रेसका सांसद प्रदीप पौडेलले ई–सिगरेटलाई पूर्ण प्रतिबन्ध गर्नुपर्ने बताएका छन् । 

शुक्रबार काठमाडौंमा आयोजित स्वास्थ्य सबैको सरोकार संवाद श्रृंखला कार्यक्रमलाई सम्बोधन गर्दै उनले यस्तो बताएका हुन् । उनले देशलाई हानि हुने जानकारी हुँदाहुँदै राज्यले के फाइदाका आधारमा आयात गरिरहेको छ?भनि प्रश्न गरे । 

उनले नेपाली नागरिकको स्वास्थ्य कसरी स्वस्थ राख्ने भन्ने बारेमा राज्यले विशेष चासो दिनुपर्ने बताउदै युवाहरू मद्यपान र धूमपानमा बढी भुलिरहेको अवस्थालाई नियन्त्रण गर्न कानुनबाटै निषेध गर्न जरुरी रहेको बताए । 

उनले भने, "अहिले ई–सिगरेटमा कुरा भएकाले यसलाई आयातमा रोक लगाऔँ । यसलाई पूर्ण प्रतिबन्ध लगाऔँ । यसको हानि थाहा हुँदाहुँदै पनि देशलाई के फाइदा हुन्छ र आयात गर्नुपर्‍यो रु आयात गर्न दिन, निगरानी गर्ने, मूल्य बढाउने छ । प्रतिबन्ध गरौँ ।"

नेता पौडेलले कानुनबाटै कडा भएर अघि बढ्नसके धेरै समस्याहरू समाधान हुने जिकिर गरे