.jpg)
काठमाडौं । पूर्वप्रधानसेनापति धर्मपालवर सिंह थापाको निधन भएको छ ।
लामो समयदेखि फोक्सोसम्बन्धी रोगबाट पीडित उनको आज ८५ वर्षको उमेरमा उपचारका क्रममा वीरेन्द्र अस्पताल छाउनीमा निधन भएको नेपाली सेनाले जनाएको छ ।
उनको आजै पशुपति आर्यघाटमा अन्त्येष्टि गरिने बताइएको छ । थापा २०५२ देखि २०५६ सालसम्म प्रधानसेनापति थिए ।
उनको कार्यकालमा नेपाली सेनाको संगठन सुधारका कार्यक्रम प्रभावकारी रूपमा कार्यान्वयन भएको थियो ।
