काठमाडौं । वैवाहिक बलात्कार सम्बन्धी मुद्दामा प्रहरीमा आत्मसमर्पण गरेका गायक रवि ओड धरौटीमा रिहा भएका छन् ।

 बिहीबार जिल्ला अदालतमा भएको थुनछेक बहसपछि ओडलाई पाँच लाख धरौटीमा रिहा गर्न आदेश भएको थियो । सोहीअनुसार ओड धरौटी बुझाएर थुनामुक्त भएको जिल्ला प्रहरी कार्यालयले जनाएको छ । 

नेपाल आइडल सिजन २ का विजेता ओडविरूद्व वैवाहिक बलात्कार र अप्राकृतिक मैथुनको आरोप लगाउँदै उनकी श्रीमतीले गत २० चैतमा उजुरी दिएकी थिइन् । ओडले गत बिहीबार इलाका प्रहरी कार्यालय झलारीमा आत्मा समर्पण गरेका थिए ।