.jpg)
काठमाडौं । मौसम पूर्वानुमान महाशाखाका अनुसार तराईका मध्य र पश्चिम भूभागमा आउँदा केही दिन अझै ‘अत्यधिक’ गर्मीको सम्भावना छ ।
सुदूरपश्चिम र लुम्बिनी प्रदेशका तराई भूभागका कतिपय स्थानमा केही दिनदेखि अधिकतम तापक्रम ४० डिग्री सेल्सियस वा त्योभन्दा बढी मापन गरिएको मौसम पूर्वानुमान महाशाखाले जनाएको छ ।
तराईका भूभागमा असार ३ देखि ६ गतेसम्म तातो हावा तथा तातो लहरको सम्भावना रहेको महाशाखाले आइतबार जारी गरेको विशेष बुलेटिनमा उल्लेख छ ।
त्यसको असरबाट जोगित आवश्यक सतर्कता अपनाउन महाशाखाले आग्रह गरेको छ ।
