काठमाडौं । तारा एयरले पोखराबाट जोमसोमका निम्ति उडेको आफ्नो विमान सम्र्पकविहीन भएको भन्दै झुटो हल्ला फैलाउनलेलाई कारबाही गर्ने जनाएको छ ।

सोमबार एक विज्ञप्ति जारी गर्दै कम्पनीले केही गलत मनसायका व्यक्तिले झुटो हल्ला फैलाएको उल्लेख गरेको हो । कम्पनीले त्यस्ता हल्लाका पछि नलाग्न सबैलाई आग्रह गरेको छ ।

कम्पनीले गलत सूचना फैलाउनेविरुद्ध कानुनी कारबाही अघि बढाउने चेतावनी दिएको छ ।

“गलत समाचार सम्प्रेषण गर्ने तथा बदनियतपूर्वक सामाजिक सञ्जालमा राख्नेविरुद्ध कानुनी कारबाही अगाडि बढाउने समेत सूचित गरिन्छ,” जारी गरेको विज्ञप्तिमा उल्लेख छ ।