काठमाडौं । नेपाल इञ्जिनियर्स एसोसियसनले इञ्जिनियर दिवसको अवसर पारेर ८ विधामा उत्कृष्ट इञ्जिनियरहरूलाई सम्मान गर्ने भएको छ । 

आफ्नो विधाबाट देशका लागि योगदान गर्ने इञ्जिनियरहरूको मूल्यांकनका लागि सम्मान तथा पुरस्कृत गर्न लागिएको एसोसियसनका महासचिव रविभूषण झाले जानकारी दिए । 

असार २५ गतेभित्र आफू वा आफूलाई उपयुक्त लागेको व्यक्तिको नाम सिफारिस गर्न एसोसियसनले सार्वजनिक सूचना जारी गरेको छ । साउन ३ गते ६२ ओै इञ्जिनियर दिवसको समारोहमा पुरस्कार तथा सम्मानपत्र हस्तान्तरण गरिनेछ ।

पुरस्कार र सम्मानका लागि परेका आवेदनहरूमध्येबाट पुरस्कार तथा सम्मानका लागि निर्णायक समितिले नाम छनौट गर्ने बताइएको छ ।