काठमाडौं । कोलोम्बियालाई पराजित गर्दै साविक विजेता अर्जेन्टिनाले कोपा अमेरिका-२०२४ को उपाधि जितेको छ ।
सोमबार बिहान भएको फाइनल खेलमा कोलम्बियालाई १–० ले पराजित गर्दै अर्जेन्टिनाले कोपा अमेरिकाको उपाधि जितेको हो ।
खेलको १ सय १२ औँ मिनेटमा लउतारो मार्टिनेजको निर्णायक गोलमा अर्जेन्टिनाले लगातार दोस्रो पटक कोपाको उपाधि जितेको हो ।
निर्धारित ९० मिनेटमा दुवैतर्फबाट गोल हुन नसकेपछि खेल अतिरिक्त समयमा धकेलिएको थियो। खेलको ६६ औँ मिनेटमा कप्तान लियोनल मेस्सीले चोटक बोक्दै मैदान छाडेका थिए।
कोलोम्बियाको हारसँगै २७ खेलको अपराजित यात्रामा समेत पूर्णविराम लागेको छ।
