काठमाडौं । एसीसी महिला एसिया कपमा नेपालले भारतविरुद्ध पहिलो फिल्डिङ गर्ने भएको छ ।
मंगलबार श्रीलंकाको धमुल्लामा हुने खेलका निम्ति भएको टस जितेर भारतले ब्याटिङको निर्णय गरेपछि नेपालले पहिले फिल्डिङ गर्ने भएको हो ।
महिला क्रिकेटको बलियो राष्ट्र भारतले हालसम्म सातपटक एसिया कपको उपाधि जितिसकेको छ । प्रतियोगिताको साविक विजेता समेत रहेको भारतविरुद्ध नेपालले समूह चरणको अन्तिम खेल खेल्न लागेको हो ।
समूह ‘ए’बाट भारत यसअघिका दुई खेलमा लगातार जितसहित सेमिफाइनलमा प्रवेश गरिसकेको छ । समान खेलबाट दुई अंकको नेपाललाई भने सेमिफाइनल सम्भावना कायम राख्न आज जितको दबाब छ ।
