काठमाडौं । सौर्य एयरलाइन्सको जहाज दुर्घटनामा परेका १८ जनाको मृत्यु भएको छ भने एक जना घाइते छन् । 

नेपाल नागरिक उड्डयन प्राधिकरणले  विज्ञप्ति जारी गर्दै १८ जनाको मृत्यु र एक जना घाइते भएको जनाएको हो । घाइतेमा परेका क्याप्टेन मनिषरत्न शाक्यको केएमसी अस्पतालमा  उपचार भइरहेको छ । 

विज्ञप्तिमा आगलागी नियन्त्रणमा लिई १८ शव संकलन गरिएको उल्लेख छ ।

जहाजमा चालक दलका सदस्यसहित १९ जना एयरलाइन्सका कर्मचारीहरु रहेको खुलेको छ ।

कम्पनीले सार्वजनिक गरेको विवरणअनुसार विमानमा क्याप्टेन मनिषरत्न शाक्य, सह-पाइलट एस कटुवालसहित १७ जना कर्मचारीहरु थिए ।

आफ्नै कम्पनीका इन्जिनियर र कर्मचारी लिएर उड्ने क्रममा दुर्घटनामा परेको हो ।