काठमाडौं । गत बुधबार काठमाडौँस्थित त्रिभुवन अन्तर्राष्ट्रिय विमानस्थलमा भएको सौर्य एयरलाइन्स जहाज दुर्घटनाका घाइते क्याप्टेन मनिस रत्न शाक्यको स्वास्थ्यमा सुधार आएको अस्पतालले जनाएको छ । 

काठमाडौँ मेडिकल कलेज अस्पतालले एक विज्ञप्ति जारी गर्दै उपचारको तेस्रो दिन शुक्रवार उनको स्वास्थ्य अवस्था सुधारोन्मुख रहेको जनाएको हो ।

घाइते क्याप्टेन शाक्यको उपचार काठमाडौँ मेडिकल कलेज अस्पतालमा भइरहेको थियो ।

उनको अनुहार, आँखा, नाक तथा टाउकोमा चोटहरू, ढाडमा एउटा हड्डी भाँचिएको तथा देब्रे पट्टिको ३ वटा करङहरु भाँचिएको अस्पतालले जनाएको छ ।

बुधवार बिहान सौर्य एयरलाइन्सको विमान दुर्घटना भएको थियो । दुर्घटनामा १८ जनाले ज्यान गुमाएका छन् । भने विमानका पाइलट मनिषरत्न शाक्य बाँच्न सफल भए ।