एजेन्सी । इंग्लिस प्रिमियर लिग फुटबलमा साविक विजेता म्यानचेस्टर सिटी र लिभरपुलले आज एक–अर्काको सामना गर्दै छन् । नेपाली समयअनुसार आज राति ९ः४५ बजे लिभरपुलको घरेलु मैदान एन्फिल्डमा हुनेछ ।
यस खेलमा दुवै टिम एक–अर्कामाथि जित निकाल्ने योजनामा हुनेछन् । लिभरपुल सिटीलाई हराउँदै शीर्ष स्थानमा उक्लिने दाउमा हुनेछ । हाल ऊ १४ अङ्कका साथ दोस्रो स्थानमा छ । १६ अङ्क भएको चेल्सी शीर्ष स्थानमा छ ।
सिटी पनि लिभरपुलमाथि जित निकाल्दै शीर्ष स्थानमा पुग्ने लक्ष्यमा छ । ऊ हाल १३ अङ्कका साथ छैटौँ स्थानमा छ ।
