काठमाडौं । काभा महिला भलिबल नेसन्स लिगको फाइनल खेल आज हुँदैछ ।
उपाधिका लागि फाइनलमा नेपाल र भारत भिड्दै छन् । खेल त्रिपुरेश्वरस्थित राष्ट्रिय खेलकुद परिषदको कभर्ड हलमा साँझ ५ बजेबाट सुरु हुनेछ ।
नेपालले इरानलाई हराउँदै फाइनलमा प्रवेश गरेको थियो भने भारत श्रीलंकालाई हराउँदै फाइनल प्रवेश गरेको हो ।
नेपालले मंगलबार भएको सेमिफाइनलमा इरानविरुद्ध ३–० सेटमा जित निकाल्दै फाइनलमा स्थान सुनिश्चित गरेको थियो ।
