काठमाडौं । काभा महिला भलिबल नेसन्स लिगको उपाधि भारतले जितेको छ ।
बुधबार त्रिपुरेश्वरस्थित कभर्ड हलमा भएको खेलमा नेपाललाई तीन, दुई सेटले पराजित गर्दै भारतले उपाधि जितेको हो ।
खेलको पहिलो सेट नेपालले २५–२३ ले जितेको थियो भने दोस्रो सेट भारतले २५–१४ ले जित्यो ।
त्यस्तै तेस्रो सेट नेपालले २५–२२ अंकले आफ्नो पक्षमा पार्दा चौथो सेट भारतले २५–२१ ले जित्यो ।
अन्तिममा पाँचौ सेट भारतले नेपाललाई १५–५ ले जितेको हो ।
