काठमाडौं । पोखराबाट बिरामी लिएर काठमाडौं आउँदै गरेको हेलिकोप्टर धादिङमा आकस्मिक अवतरण गरिएको छ ।

बाक्लो हुस्सु र पानी परेकाले धादिङको थाक्रे गाउँपालिका–५ मा कैलाश एयरको हेलिकप्टर आपत्कालीन अवतरण गरिएको हो । 

जिल्ला प्रहरी कार्यालय धादिङका अनुसार खराब मौसमका कारण काठमाडौंतर्फ जान जोखिम देखिएपछि पाइलटले सुरक्षित ठाउँमा अवतरण गराएको जानकारी प्राप्त भएको जनाएको छ  ।

बिरामीलाई एम्बुलेन्समार्फत् काठमाडौं ल्याउने तयारी भइरहेको छ ।