काठमाडौं । महिला साफ च्याम्पियनसिप–२०२४ मा सहभागी हुन बंगलादेशको टोली नेपाल आइपुगेको छ।
बिहीबारदेखी सुरु हुने प्रतियोगितामा सहभागी हुन बंगलादेशको टिम मंगलबार बिहान काठमाडौँ आइपुगेको हो।
प्रतियोगिताका लागि माल्दिभ्स र पाकिस्तानका टोली नेपाल आइसकेका छन्।
माल्दिभ्स प्रतियोगिताको समूह ‘बी’ मा छ। उसका प्रतिद्वन्द्वीमा आयोजक नेपालसँगै भुटान र श्रीलंका छन्। माल्दिभ्सको पहिलो खेल शुक्रबार श्रीलंकाविरुद्ध हुने छ।
बिहीबार हुने उद्घाटन खेलमा भारत र पाकिस्तान भिड्नेछन्। समूह ‘ए’मा बंगलादेश, भारत र पाकिस्तान छन्।
