काठमाडौं । टी २० सिरिजको पहिलो खेलमा नेपालले अमेरिकालाई हराएको छ ।
शुक्रबार अमेरीकाको ग्रान्ड प्रेरिमा भएको खेलमा नेपालले अमेरिकालाई १७ रनले हराएको हो ।
नेपालले दिएको १६५ रनको लक्ष्य पछ्याएको अमेरिकाले २० ओभरमा ७ विकेट गुमाउँदै १४७ रन बनायो ।
नेपालका लागि दीपेन्द्र सिंह ऐरीले ३ तथा गुल्शन झा, रिजन ढकाल र करण केसीले १–१ विकेट लिए।
यसअघि, टस हारेर पहिले ब्याटिङ गरेको नेपालले २० ओभरमा ९ विकेट गुमाउँदै १६४ रन बनाएको हो।
नेपालका लागि रोहित कुमार पौडेलले ४९ र दीपेन्द्र सिंह ऐरीले २८ रन बनाए भने आसिफ शेखले २७, अनिल साहले २७, गुल्शन झाले ११, कुशल भूर्तेलले १० र सोमपाल कामीले २ रन बनाए। करण केसी र आरिफ शेख गोल्डेन डकआउट भए।
नेपाल र अमेरिकाबीच ३ टी २० खेल हुनेछ। दोस्रो खेल आईतबार र तेस्रो खेल सोमबार हुनेछ।
