काठमाडौं । काठमाडौं महानगरपालिकाले साफ महिला च्याम्पियनसिप अन्तर्गत आज हुने नेपाल र बंगलादेशबिचको फाइनल खेलको प्रत्यक्ष प्रसारण गर्ने भएको छ ।
महानगरले नेपाल र बंगलादेश बीच हुने फाइनल खेल टुँडीखेल, चाबहिल गणेशस्थान चौरमा र सानो गौचरणमा प्रत्यक्ष प्रसारण गर्ने भएको हो ।
खेल आज साँझ साढे ६ बजेदेखि सुरु हुनेछ ।
सेमिफाइनलमा नेपालले भारतलाई र बंगलादेशले भुटानलाई हराएर फाइनलमा पुगेका हुन् । नेपाल र बंगलादेश दुवैले उपाधि जित्ने दाबी गरेका छन् ।
