काठमाडौं । आइसीसी विश्वकप लिग–२ अन्तर्गत नेपाल अमेरिकासँग पुन एक पटक पराजित भएको छ ।
मंगलबार राति भएको खेलमा नेपाल अमेरिकासँग ३७ रनले पराजित भएको हो । अमेरिकाले दिएको २८२ रनको लक्ष्य पछाएको नेपालले ४९.४ ओभरमा अल आउट हुदै २४४ रन बनाएको थियो ।
यसअघि पहिला ब्याटिंग गरेको अमेरिकाले ५० ओभरमा ८ विकेट गुमाउदै २८१ रन बनाएको थियो ।
यो जितपछि अमेरिका लिग–२ को शिर्ष स्थानमा उक्लिएको छ । अमेरिकाको १२ खेलमा १६ अंक भएको छ । त्यस्तै नेपालको भने ११ खेलमा केवल ५ अंक छ ।
अब नेपालले सिरिजको अर्को खेल सोमबार स्कटल्याण्डसँग खेल्ने तालिका रहेको छ ।
