काठमाडौं । जारी यू–१९ महिला विश्वकपको एशिया छनोटमा नेपालले कुवेतलाई २१४ रनको लक्ष्य दिएको छ ।
मंगलबार टस जितेर पहिला ब्याटिंग गरेको नेपालले कप्तान पुजा महतोको शानदार शतकमा २० ओभरमा २ विकेट गुमाउदै २१३ रन बनाएको हो ।
पुजाले ५७ बलमा शतक बनाएकी पुजाले अविजित १२८ रन बनाएकी थिइन् । त्यस्तै सोनी पाख्रिनले अविजित ४३ रन बनाएकी थिइन् ।
यो यस प्रतियोगितामा कुनै पनि देशले बनाएको सबैभन्दा बढि हो । यस अघि युएईले कुवेत विरुद्धनै २११ रन बनाएको थियो ।
नेपालले यसअघि कुवेतलाई १०८ रनले पराजित गरेको थियो ।
छनोट प्रतियोगिता नेपाल र कुवेतसँगै आयोजक यूएई र थाइल्याण्ड सहभागी छन् ।
