असोज २० काठमाडौं । काठमाडौंमा जारी चौथो संस्करणको एभरेष्ट प्रिमिएर (इपिएल) टी२० क्रिकेट प्रतियोगितामा भैरहवा ग्ल्याडियटर्सले एलिमिनेटर खेलमा काठमाडौं किंग्स इलेभेनलाई १६ रनले पराजित गर्दै दोस्रो क्वालिफायरमा पुगेको छ ।
जितको लागि १ सय ८९ रनको विजयी लक्ष्य पछ्याएको काठमाडौंले निर्धारित २० ओभरमा ८ विकेट गुमाउँदै १ सय ७२ रन बनाउन सक्यो । काठमाडौंका असान प्रियंजनले ४८ बलमा ५ चौका र ४ छक्का सहित सर्वाधिक ६८ रनको योगदान दिए । काठमाडौंलाई जितको लागि अन्तिम ६ बलमा २४ रन चाहिँएको थियो । तीव्र गतिका बलर अभिनाश बोहराले ७ रन खर्चिदै जित पक्का गराए ।
यता भैरहवाको लागि कुशल मल्ल, आरिफ शेख र धम्मिका प्रशादले २/२ विकेट हात पार्दा दुर्गेश गुप्ताले १ विकेट लिए । १ विकेट रनआउटका रूपमा प्राप्त भयो ।
