काठमाडौं । नेपाली यू–१९ क्रिकेट टिमले कर्नाटकाको यू–१९ टिमविरुद्धको सिरिज ३–२ ले जितेको छ ।
बिहिबार टियु क्रिकेट मैदानमा सम्पन्न सिरिजको अन्तिम खेलमा नेपालले भारतको कर्नाटकालाई ७ विकेटले पराजित गर्दै सिरिज ३–२ ले जितेको हो । कर्नाटकाले दिएको १९१ रनको लक्ष्य पछाएको नेपालले ३ विकेट गुमाउदै लक्ष्य पुरा गरेको थियो ।
यस सिरिजमा पहिलो र चौथो खेल कर्नाटकाले जितेको थियो भने दोस्रो र तेस्रो खेल नेपालले जितेको थियो ।
अब नेपाली यू–१९ नेपाली टिमले नोभेम्बर २९ देखि डिसेम्बर ८ सम्म हुने यू–१९ एशिया कप खेल्दैछ ।
