काठमाडौं । नेत्रहीन क्रिकेट विश्वकपमा नेपालले अफगानिस्तानलाई १०८ रनले पराजित गरेको छ ।
सोमबार पाकिस्तानमा भएको खेलमा २२९ रनको लक्ष्य पछ्याएको अफगानिस्तानले ९ विकेट गुमाउँदै १२० रन बनायो ।
अफगानिस्तानका लागि अबासिनले ५३ र द्वरनले २१ रन बनाए । नेपालका लागि सुनिलले ३ तथा भारत, अमिश र सुनिल क्षेत्रीले १–१ विकेट लिए ।
टस हारेर पहिले ब्याटिङको निम्तो पाएको नेपालले २ गुमाउँदै २२८ रन बनाएको थियो । नेपालका लागि पदम बढाइलाले ९२ र नरेश चौधरीले ७२ रन बनाए । पदम ५१ बलमा ९२ रन बनाएर अविजित रहे । नरेश चौधरीले भने ६२ बलमा अविजित ७२ रन बनाए ।
नेपाल पहिलो खेलमा श्रीलंका र दोस्रो खेलमा बंगलादेशसँग पराजित भएको थियो ।
