काठमाडौं । नेपाल धितोपत्र बोर्डका नवनियुक्त अध्यक्ष सन्तोषनारायण श्रेष्ठले आफ्नो पहिलो प्राथमिकता नै लगानीकर्ताको सुरक्षा भएको बताएका छन्। 

मंगलबार अर्थ मन्त्रालयमा पद तथा गोपनीयताको शपथग्रहण गरेपछि उनले पुँजीबजार विस्तारका लागि कार्ययोजनाअनुसार अघि बढाउँदै लगानीकर्ताको सुरक्षाका लागि कदमहरु चाल्ने बताएका हुन्। 

अर्थमन्त्री विष्णु पौडेलले सोमबार नियुक्त भएका अध्यक्ष श्रेष्ठलाई मंगलबार मन्त्रालयमा शपथग्रहण गराएका हुन्। 

श्रेष्ठले भने,‘कामहरु थुप्रिएर बसेका छन्। प्राथामिकताका आधारमा कामहरु अगाडि पालैपालो बढाउनेछु’, ‘त्यसभन्दा पहिले लगानीकर्ताको सुरक्षाका लागि कदमहरु चाल्नुपर्नेछ त्यो गर्नेछु। त्यसपछि पूँजीबजारलाई विस्तारका कार्यमा मेरो कार्ययोजना अनुसार काम गर्नेछु।’