काठमाडौं । एसीसी यु १९ एसिया कप क्रिकेटमा श्रीलंकाले नेपाललाई हराएको छ ।
शुक्रवार युएईमा भएको पहिलो खेलमा श्रीलंकाले नेपाललाई ५५रनले हराएको हो । ४६ दशमलब २ ओभरमा सबै विकेट गुमाउँदै नेपालले १७८ रन मात्रै बनाउन सक्यो ।
टस हारेर ब्याटिङको निम्तो पाएको श्रीलंकाले निर्धारित ५० ओभरमा सबै विकेट गुमाएर २ सय ३३ रन बनाएको थियो ।
श्रीलङ्काका लागि शरुजन षणमुगनाथनले सर्वाधिक ६२ रन बनाए । उनले ९९ बलमा दुई चौकाको मद्दतले ६२ रन बनाएका हुन् ।
नेपालका लागि सन्तोष यादवले सर्वाधिक ४ विकेट लिए भने युवराज खत्रीले दुई, हेमन्त धामी र नरेन साउदले समान एक/एक विकेट हात पारे ।
