काठमाडौं । नेपाल प्रिमियर लिग (एनपिएल)मा सुदूरपश्चिम रोयल्सले लुम्बिनी लायन्सलाई १८८ रनको लक्ष्य दिएको छ ।
शनिबार त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिमले २० ओभरमा ४ विकेट गुमाउँदै १८७ रन बनाएको हो ।
सुदूरपश्चिमका लागि सैफ जैबले ९० रन बनाए भने कप्तान दीपेन्द्रसिंह ऐरीले अविजित ३९ रन बनाए ।
लुम्बिनीका लागि रामोन सिमन्ड्सले २ तथा कप्तान रोहितकुमार पौडेल र विवेक यादवले १–१ विकेट लिए ।
