काठमाडौं । नेपाल प्रिमियर लिग (एनपिएल)मा कर्णाली याक्सले लागातार दोस्रो जित निकालेको छ ।
शनिबार भएको दोस्रो खेलमा कर्णालीले विराटनगरलाई ७ रनले पराजित गर्दै जित निकालेको हो । विराटनगर किंग्सको यो तेस्रो हार हो ।
कर्णालीले दिएको १३४ रनको लक्ष्यमा जवाफी ब्याटिङ गरेको विराटनगरले २० ओभरमा ८ विकेट गुमाउँदै १२६ रन बनायो ।
कर्णालीका लागि नन्दन यादवले ३, विपिन शर्माले २ तथा विलियम बोसिस्टो र यूनिस ठकुरीले १–१ विकेट लिए ।
यसअघि टस हारेर ब्याटिङ थालेको कर्णालीले २० ओभरमा सबै विकेट गुमाउँदै १३३ रन बनाएको थियो ।
कर्णालीका लागि देव खनालले ४८ बलमा ४ चक्का र २ छक्का प्रहार गर्दै ५३ रन बनाए भने विलियम बोसिस्टोले ६६ रन जोडे ।
विराटनगरका लागि प्रतिश जिसीले ४, क्रिश सोल र बसिर अहमदले २ तथा अकिब इलियासले १ विकेट लिए ।
