काठमाडौं । नेपालले हङकङविरुद्धको यू–१९ एकदिवसीय सिरिज क्लिन स्विप गरेको छ ।
शुक्रबार मुलपानी क्रिकेट मैदानमा भएको यू–१९ एकदिवसीय सिरिजको अन्तिम खेलमा नेपालले हङकङलाई १३० रनले हराएको हो ।
२६६ रनको लक्ष्य पछ्याएको हङकङले पूरै ओभरमा ९ विकेट गुमाउँदै १३५ रन मात्र बनाउन सक्यो ।
त्यसअघि टस जितेर ब्याटिङ गरेको नेपालले ४९.१ ओभरमा २ सय ६५ रनमा अलआउट भएको थियो ।
नेपालका लागि सुर्यांशु कोइराला, कप्तान अभिषेक तिवारी र सन्तोष यादवले अर्धशतकीय पारी खेले । सुर्यांशुले ६० रन बनाउँदा अभिषेकले ५६ सन्तोषले ५३ रन जोडे ।
यसअघि पहिलो खेलमा नेपाल ३ विकेट र दोस्रोमा २२६ रनले विजयी भएको थियो ।
