काठमाडौं । न्युजिल्यान्डका मार्टिन गुप्तिलले अन्तर्राष्ट्रिय क्रिकेटबाट सन्यास लिएका छन्।
सन् २०२२ को अक्टोबरमा अन्तिम पटक न्युजिल्यान्डको टोलीबाट खेलेका गुप्तिलले टी–२० घरेलु तथा फ्रेन्चाइजलाई निरन्तरता दिने बताएका हुन्।
उनी न्युजिल्याण्डका लागि एकदिवसीयमा दोहोरो शतक प्रहार गर्ने पहिलो र हालसम्म एकमात्र खेलाडी हुन् ।
टी–२० मा उनले न्युजिल्यान्डका लागि सबै भन्दा धेरै रन प्रहार गरेका छन्। उनले १२२ खेलमा तीन हजार ५३१ रन प्रहार गरेका छन्। उनी पछिल्लो समय नेपाल प्रिमियर लिग(एनपिएल) खेल्न काठमाडौं आएका थिए। उनले सन्दीप लामिछानेको कप्तानीमा रहेको विराटनगर किंग्सबाट खेलेका थिए।
